आरोग्य सुविधा उपलब्ध करून देण्यासाठी केलेले कार्य
संकल्प विकासाचा, अविरत जनसेवेचा
नागरिकांच्या आरोग्यदायी जीवनासाठी अविरत प्रयत्न करत असतानाच शासनाच्या प्राथमिक आरोग्य केंद्र, ग्रामीण रुग्णालयाबरोबरच वैयक्तिक पातळीवर भारती हॉस्पिटलच्या माध्यमातून जनतेला आधुनिक वैद्यकीय सुविधा पुरविण्यासाठी नेहमीच पुढाकार घेतला आहे. मतदारसंघात उत्तम आरोग्य सेवेचे व्यापक जाळे निर्माण केले आहे.
- सन २०२० मध्ये कोरोना महामारी आली तेव्हा लोकांना तातडीची आरोग्य सेवा पुरवून जीवित हानी टाळण्यासाठी कसोशीने प्रयत्न केले. कोरोनापासून लोकांना सुरक्षित ठेवण्यात महत्त्वाची भूमिका बजावली.
- पलूस-कडेगाव मतदारसंघासह सांगली जिल्ह्यात व पश्चिम महाराष्ट्रात भारती हॉस्पिटलच्या माध्यमातून आरोग्य सेवेचे व्यापक जाळे उभारले. ग्रामीण भागात ऑक्सिजन, व्हेंटिलेटर बेडसह अत्याधुनिक वैद्यकीय सुविधा उपलब्ध करून दिल्या.
- कोरोना काळात नागरिकांना डॉ. पतंगराव कदम सोनहिरा साखर कारखान्याच्या वतीने मोफत सॅनिटायझर वाटप केले.
- पश्चिम महाराष्ट्रातील नागरिकांसाठी सांगली येथील भारती विद्यापीठ मेडिकल कॉलेज व हॉस्पिटलमध्ये अत्याधुनिक रोग चाचणी केंद्र कार्यान्वित केले. या ठिकाणी आरटीपीसीआर तंत्र वापरून कोव्हिड-१९ बरोबरच काविळ, एचआयव्ही, क्षयरोग आदी रोगांचे अचूक निदान करण्याची सुविधा उपलब्ध केली असून, अद्ययावत तंत्रज्ञान व तज्ज्ञांचे मार्गदर्शन हे या लॅबचे वैशिष्ट्य आहे.
- कोरोनाचा वाढता प्रादुर्भाव लक्षात घेऊन मतदारसंघातील जनतेच्या सोयीसाठी चिंचणी (ता.कडेगाव) येथील ग्रामीण रुग्णालयात डेडिकेटेड हेल्थ केअर सेंटर सुरू केले.
- कोरोना संकटाच्या काळात भारती हॉस्पिटलच्या कर्मचाऱ्यांनी उत्तम वैद्यकीय सेवा पुरविल्याबद्दल भारतीय लष्कराच्या दक्षिण मुख्यालयातील अधिकाऱ्यांनी खास सन्मान केला.
- भारतात झालेल्या कोव्हिड लस निर्मिती मानवी चाचणी कार्यक्रमात भारती विद्यापीठ मेडिकल कॉलेज व हॉस्पिटलने सक्रिय सहभाग नोंदवून उल्लेखनीय कामगिरी बजावली.